شعر لا يفووتكم لشااعر الكبير حامد زيد

كلمة الحاكم(حامد زيد)...قبل بدأ الحرب!:

ومستعد أكسب رهاني لو بغيت أكسب رهاني وأخدعك بحساس كاذب وأتحدى من يصيده أرض المعركه:

من صغر سني وانا أنظر للغلا نظره رفيعه
واعرف ان العشره اسمى من غلاك ومن حناني

يوم شفتك من ضياع وشفتني مثل الوديعه
انته اللي ضعت فيني وانت بس اللي لقاني

والله ان الضيعه اللي جابتك ماهي بضيعه
ضيعة العشاق شيّ وضيعتني بك شيّ ثاني

ياغرامٍ مااستطيع انساه لو قلت استطيعه
ياكلامٍ من عرفته ماذرفته من لساني

إشتر اللي تشتري فيني وبيع اللي تبيعه
ماالتفت لوجه غيرك باعني والاشراني

خل طعناتك قويه وخل نظراتك سريعه
يعني اضرب اهرب اضرب اضرب اهرب في ثواني

ماانت باول من شرب صيفي وعطشني ربيعه
ولا انت بآخر من خذاني من يديّ ولا خذاني

إنت ماوسّعت صدري لين ضيّقت الوسيعه
كنك تحطب الجروح من المحاني للمحاني

كل ساعه لك بصدري رمح أقسى من تبيعه
وكل جرحٍ له بوجهي حزن غير الأوّلاني

وكل ليل يهون لكن ليلة البارح فظيعه
يعلم اللّه كانت اوّل ليله تزلزل كياني

كن رمحك مايبات الاورا الحدب المنيعه
وكن جرحي مايعرف ينام ورماحك تعاني

ولّ ياكيد الظبا ماشفت من يصنع صنيعه
لو زرعته في حشاك سنين يمحيك بثواني

في زمنّا قالوا ان ماطاوعك هالوقت طيعه
وانت مثل الوقت قاسي طاعني والاّ عصاني

بس ابيك ليا عسفت البُعد واسرجت القطيعه
إلتفت مره عليّ وحط نفسك في مكاني

إنت لو اني خدعتك راح ترضى بالخديعه؟!
بعتني مليون مره...حبني مره عشاني

خايف تحّمل خفوقي فوق مالايتطيعه
ويبتليك الله بغيري مثل مافيك ابتلاني

خلني مثل الضياع وشّلني مثل الوديعه
إنت من ضيّعتني مافي أحد غيرك لقاني

واشهد أن الضيعه اللي جابتك ماهي بضيعه
ضيعة العشاق شيّ وضيعتني بك شيّ ثاني

يسلمووووووووووو على مواضيعك الحلوه

يسلموووووو ريان على الموضوع المميز
يعطيك العافيه ودمت بخير
تقبل مروري وخالص تقديري