سااالفة عمري

موضوع: سااالفة عمري الإثنين أكتوبر 06, 2008 3:59 am

مسا الخيرات واِن طال البطى يالمنزل المهجـور
تـرى ما ابطـى بـي الا حالـةٍ مثلـك يقدِّرهـا

إذا عندك عتب لامانـع مـن معاتـب المذكـور
واذا عَزّ الرضـا تفـداك الأعـذار ومقابرهـا

أنا اللي جيت لك والريح تعوي والشتا مسعـور
ولابـه مـن دفـا والمربعانـيـة بأواخـرهـا

تغير وانطبع دربـك بلـون المسـك والكافـور
وهذي رعشة كفوفـي ولابـه مـن يدثِّرهـا

بعد ماكنت اجي بابك بدستـور وبـلا دستـور
ولا ادري اِلاّ وذيك الدِرفة اليُمنى علـى آخرهـا

طموحي عارضته اللي معاها كـل شـي يبـور
وجا كسر الطموح اهون علي من كسر خاطرهـا

سنة ما اقبل نذير الشيب كانت بأول الطابـور
وكنت أحلامهـا ذيـك السنـة وأول سرايرها

لِقت قِدّامها فوضى وقلـب وشاعـر وجمهـور
وجات ورتّبتني من جديـد وصـرت شاعرهـا

بقيت اسري لها لاهمِّنـي وحشـه ولا ديجـور
اشيل احلامنا تحـت النجـوم وهـي تفسِّرهـا

سقى الله يوم جابت لي قبل يومين من عاشـور
هذاك العسجد اللـي جابـه الله مـن عشايرهـا

غلاها كان تحويشة عمر بشعور وفوق شعـور
اليـن اكتضّـت الاشـواق والهانـي تكاثرهـا

رِبَتْ ماهي تحت ريشة نعام وفي بلاط قصـور
ولكن لاتـرف لـه قيمـة الا تحـت أوامرهـا

يحملن امهات البيض تسع شهور .. تسع شهور
على رجـوى بشايرهـا ولا لاحـت بشايرهـا

تقل بدرٍ ولا بأيّات بـدر .. تقـول بـدر بـدور
ولا بأيّات بـدر بـدور يعنـي مَنـت خابرهـا

لو استقصوك عنها منت محتـاج لشهـادة زور
تحت سقفك سحايب ملحهـا وأمـواج سكّرهـا

مرقّ المتحف اللي من ورى ضلوعك فدتك الدور
وانا مقوى نظر مافيـه بعـد غيـاب ناظرهـا

حديقة بيت أهلها / سورها العالي / حمام السور
زخارف بابهـا / شبـّاك غرفتهـا /ستايرهـا

ورق جدرانهـا/ سِجّادهـا/ تقسيمـة الديكـور
خزاينهـا/ هداياهـا/ رسايلـهـا /خواطـرهـا

تـُحفها/ مزهريتها/ قصصها/ شِعرهـا المكسـور
صورهـا/ مكتبتهـا /اقلامهـا /لمّـة دفاترهـا

زِمام السيف /شال الليل/ حِنّه الكف /كحل الحور
حِلقها / عِطرها /فِستانها الابيـض /جواهرهـا

مرايتها/ فصوص الساعة البيضا ام خمس سيور
خواتمهـا/ قلايـد جيدهـا/ نقشـات اساورهـا

ملابسها/ بـروق ألوانهـا/ دولابهـا الممطـور
من ازرقها الى احمرها الى اخضرها الى أصفرهـا

نسانيس الهوى اللي ترتشف يشمومها المنثـور
صخيفات المناديـل اللـي احتضنـت عبايرهـا

مصابيح المكان اللي خذا منـها النهـار النـور
سنون امشاطها اللي مانست عشـرة ضفايرهـا

بطاقـات يطرّزهـا صغـارٍ يحملـون زهــور
رحيل الدبلـة اللـي ماتهنـّت فـي خناصرهـا

زوايـا كنهـا بلّـور فـي بلّـور فـي بلّـور
مسـا رزنامـةٍ غـاب الحريـر اللـي يغيِّرهـا

وش اقول ليتاماها الكثيـر الممتليـن كسـور
وانا اشياءها تحاصرني واحسب اني محاصرهـا

بكيت وصارت الدنيا قفص واستوحش العصفور
ضِحِكت ومَلَت شبوك القفص من كذب طايرهـا

عرفت اشلون الارض تدور وايام الزمان تـدور
والأعيان اِنصِفَت كيف ومتى تذبح محاجرهـا

ومتى تصير القبور بيوت وتصير البيوت قبـور
وكيف الذكريـات يـذوب ماضيهـا بحاضرهـا

على الله وانت ابيك المتحف اللي للعرب معذور
الى جتك العيـون وصـدت ابوابـك نواظرهـا

تمرّ اجيال وتصدِّر سواليـف وتعيـش عصـور
وتروي سالفـة عمـري مـن اولهـا الى آخرها

منقووووووووووووووووووووووووووووووول

تسلم يمناك زوري *
تقبل تحياتي ومروري

بريق القمر ...........

زائر

يسلموو زوري* ع المشاعر الرائعه

ننتظرجديدك
cheers

........................................
..........................
..........

مشكوور عالقصيدة الرائعة
اخوي زوري
وتقبل مروري
ننتظر جديدك

بريق=أماني=هاجس

شكرآعلى مروركم العطر وأهتمامكم على أعضاء المنتدى

وانشا الله نكون عند حسن ظنكم دومآ

تقبلوا تحياتي000000ز و ر ي